តាមហោរាចិនអ្នកកើតឆ្នាំ ជូត តើគួរយកគូរស្រករឆ្នាំអីល្អ?

តាមក្បួនឆ្នាំចិនពោលថា៖ គូណាដែលឆ្នាំមិនឆុងគូនោះរមែងនឹងមានទ្រព្យបរិបូណ៌ មានសេចក្តីសុខ ដ៏រាបអាយុខៃនៅជាមួយគ្នា តកូនចៅមានឧត្តមភាព ពូនផលគ្រប់កាលវេលា ដូច្នោះសូមលើកសំអាងបញ្ញត្តិបុរាណរបស់ចិនមកពោលឲ្យដឹងដើម្បីជាគន្លងផ្លូវដំណើរជីវិតគូស្រករល្អប្រសើរឡើងតទៅនេះ ៖

មនុស្សប្រុសកើតឆ្នាំជូត៖

ឆ្នាំដែល្អជាងគេបំផុតជាមួយឆ្នាំជូតនោះ គឺឆ្នាំរោង និងឆ្នាំវក។ ឆ្នាំដែលឆុងបំផុតជាមួយឆ្នាំជូតគឺឆ្នាំមមី។

-       ឆ្នាំជូត ជាមួយ ឆ្នាំជូតៈ ឆ្នាំទាំងពីរនេះបើបានគ្នាគឺល្អណាស់ ព្រោះពួកគេមានចិត្តគំនិតដូចគ្នា យល់ចិត្តថ្លើមគ្នាល្អ មានិស្ស័យល្អជាមួយគ្នា បើបានគ្នានឹងចម្រុងចម្រើនទាំងស្នេហា និងទ្រព្យសម្បត្តិអស់មួយជីវិត។

-       ឆ្នាំជូត ជាមួយ ឆ្នាំឆ្លូវៈ ឆ្នាំទាំងពីនេះច្រើនល្បួងបញ្ឆោតគ្នាទៅលើផ្លូវស្នេហា ទោះរៀបកាជាមួយគ្នា ក៏មិនបានគ្នាជាប់ដែរ ចុងក្រោយត្រូវបែកគ្នាមិនល្អទេ។

-       ឆ្នាំជូត ជាមួយ ឆ្នាំខាលៈ ឆ្នាំទាំងពីនេះចុះសម្រុងគ្នានិងគ្នាណាស់ ទោះពេលនេះឫពេលទៅមុខទៀតក្តីតែអ្នកទាំងពីប្រូវចេះអត់ធ្មត់ឲ្យគ្នា ទៅវិញទៅមកនៅពេលដែលមានជម្លោះធំដុំណាមួយកើតឡើងរវាងអ្នកទាំងពីរ។

-       ឆ្នាំជូត ជាមួយ ឆ្នាំថោះ ឆ្នាំថោះច្រើនធុញទ្រាន់នឹងឆ្នាំជូត ដែលមានប្រាជ្ញាឆ្លាតវៀងវៃជាងខ្លួន និងមិនយូប៉ុន្មាននឹងត្រូវបែកបាក់គ្នាជៀសមិនរួច ព្រោះពង្សអ្នកទាំងពីរមិនត្រូវគ្នាឡើយ និស្ស័យអ្នកទាំងពីខុសគ្នាស្រឡះតែម្តង។

-       ឆ្នាំជូត ជាមួយ ឆ្នាំរោងៈ ឆ្នាំទាំងពីនេះបើបានគ្នាល្អគ្រាន់បើ ព្រោះអ្នកទាំងពីចេះយល់ចិត្តគ្នា និងមាននិស្ស័យល្អជាមួយនឹងគ្នាហើយក៏ល្អូកល្អឺននឹងគ្នាដែរសម្រាប់គូរនេះ។

-       ឆ្នាំជូត ជាមួយ ឆ្នាំម្សាញ់ៈ ឆ្នាំទាំងពីរនេះអាចរស់នៅជាមួយគ្នាបានរហូតដល់ចាស់ស្លាប់រៀង ខ្លួន លើលែងតែអ្នកទាំងពីរចេះអត់ឱនឲ្យគ្នា ចេះយល់ចិត្តគ្នានិងគោរពគ្នាទៅវិញទៅមក។

-       ឆ្នាំជូត ជាមួយ ឆ្នាំមមីៈ យោងទៅតាមក្បួនតម្រារបស់ចិន ឆ្នាំជូតមិនអាចយកជាគ្នាជាមួយឆ្នាំមមីបានទេ ឆ្នាំទាំងពីរនេះបើបានគ្នាអាក្រក់ជាទីបំផុត អាក្រក់រកលេខដាក់គ្មាន មិនគួរយកគ្នាជាគូស្រករឡើយ។

-       ឆ្នាំជូត ជាមួយ ឆ្នាំមមែៈ ឆ្នាំជូតបើបានគ្នាជាមួយឆ្នាំមមែ គឺគ្រាន់តែគូស្រករមួយធម្មតាប៉ុណ្ណោះ ក្រៅពីពួកគេតស៊ូច្រើន ដើប្បីអាចរស់នៅជាមួយគ្នាបានអាចថាលំបាកទាំងកាយទាំងចិត្ត ត្រូវជួបបញ្ហាច្រើន។

-       ឆ្នាំជូត ជាមួយ ឆ្នាំវកៈ ឆ្នាំទាំងពីនេះបើបានគ្នាជាប្តីប្រពន្ធល្អណាស់ នេះបើតាមក្បួនតម្រាចិន ព្រោះពួកគេទាំងពីរមានចិត្តគំនិត និងនិស្ស័យក្នុងជីវិតដូចគ្នា។

-       ឆ្នាំជូត ជាមួយ ឆ្នាំរកាៈ ឆ្នាំជូតបើសិនមានបំណងយកឆ្នាំរកាធ្វើជាគូជីវិត ត្រូវគិតសារជាថ្មីឡើងវិញ បើអាចចប់ទៅវិញបានគួរតែបញ្ចប់ទៅ ព្រោះអ្នកទាំងពីនេះមិនត្រូវធាតុគ្នាទេ អាក្រក់ណាស់ មិនអាចរស់នៅជាមួយគ្នាបានទេ។

-       ឆ្នាំជូត ជាមួយ ឆ្នាំចរៈ ឆ្នាំទាំងពីនេះមានព្រំដែនរបស់វាអាចយកគ្នាបាន តែមានរឿងច្រើនដែលអ្នកទាំងពីរត្រូវដោះស្រាយជាមួយគ្នា ព្រោះចិត្តគំនិតមិនសូវជាចូលគ្នាប៉ុន្មានទេ ម្នាក់ទៅឆ្វេង ឯម្នាក់ទៀតទៅស្តាំ រកថាមិនបាន ជួនត្រូវគ្នាជួនក៏មិនត្រូវ មិនគួរយកគ្នាជាគូរទេមិនសូវល្អទេ។

-       ឆ្នាំជូត ជាមួយ ឆ្នាំកុរៈ អ្នកទាំងពីបើបានគ្នាក៏មិនសូវសុខនឹងគ្នាដែរព្រោះពេលខ្លះទៅក៏ល្អ ពេលខ្លះក៏អាក្រក់ ហាក់បីដូចជាឡើងភ្នំចុះភ្នំដូច្នោះដែរ តែអ្នកទាំងពីពិតជាស្រលាញ់គ្នាពិត ហើយចូលចិត្តលេងប្រលែងគ្នាផង តែមិនអាចបានគ្នាដោយសុខប្រពៃនោះឡើយមានការឈ្លោះប្រកែកគ្នាកើតឡើងច្រើន។

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.